I'm CaLendarW Blog

近期玩開 foursquare, 可能我有記開自己幾時係邊度做緊咩, 係邊度食過咩既習慣, 主要用黎睇住肚痛時 check 返食左 d 邊間野, 所以當聽 podcast 果時聽到呢隻 app 就諗住試玩下.

不過試落係香港玩既人都始終係少, add 左 friend 既大部份都係得個 account, 所以對我黎講都係用作記事用途, 不過當用黎 mark 返 record 果時都幾好用, 除左知自己幾點去過邊之外, 朝早用黎計搭車時間都有 d 用, 始終我要準時返工之外, 我錯過左最重要果班車既話我就要等兩班車先去到紅磡, 因為有一班只到旺角東, 錯過左就有剛剛返到或 Late 既風險, 所以朝朝都睇住幾點去到邊, 幾時要跑快 d 黎追車, 錯過左又要跑快 d 黎趕 “do” card, 時間管理要預得好好至得~~

我用左年幾既 HP 612c, 因為過左保養而個叉電位已經被我搞到要叉都搞成個鐘先對好個位叉電而被離棄了, 因為呢排我都係o係 Site 而無枱頭電話, 再加上手提電話無電而搞到無人聯絡到我既問題, 星期五晚同老婆傾拎去整定買過部之後, 星期六朝早就出左百老滙出左部新既舊版 8GB iPhone 3G.

星期六朝早, 一如已往我都係八九點起身, 食埋早餐, 去到朋友上班既百老滙入面, 查詢 Magic 既價錢同意見, 因為電話 plan 剛剛續約, 所以唔使諗上台優惠, 加上 research 過 one2free 好似無 Magic 既 Plan, 所以只有買機既可能.

朋友話 HTC Hero 將會星期一到貨, 個價同 Magic 只差 $500, 功能上聽說差唔多, 加上行 Android, 對我呢個全面使用 google service ( gmail / docs / reader / calendar) 既人黎講係十分之吸引. 不過雖然係最新, 但因為家庭因素關係, 呢兩部比我選擇既話我會選擇較便宜果部.

與此同時, 朋友又問 “點解唔買 iPhone?”, 呢個問題我諗都未諗過, 不過因為個價同 Hero 一樣, iPhone 係另一個好既選擇, 而且 iPhone 既固定硬件規格係對 developer 黎講係好好既發展機會, 係呢個情況下, 貴五百既 iPhone 同平五百既 Magic 真係唔係好識選擇.

當我一輪猶豫不決既苦思後, 屋企既財政大臣就幫我決定買 iPhone 3G 了, 可能因為 Hero 要等兩日而我無電話用既關係, 同埋下午我又要去 SFD 而無乜時間陪佢, 所以佢就快快手幫我選擇掛.

手持 iPhone 既感覺係十分好, 用法簡單, 比起一路以來用既 windows mobile 6 / 6.1 / 6.5 都係差十分遠, 不過以前因為價錢關係而唔會諗呢個選擇, 而 3GS 既推出, 使 3G 既價格回落到我既財政大臣接受到既價格, 所以呢一日既我, 終於進入了 apple 既世界!!~