I'm CaLendarW Blog

今年既 SFD 都幾多想聽既野, 第一樣係 VirtualBox, 經子維研究 VMWare 既經驗黎講, VMWare 有幾多問題存在, 所以想聽下 VirtualBox 有咩功能同介紹, 遲下再測試其穩定性. 除此之外, Startup Case Study 都好想聽, 但因為同 VirtualBox 同時間而聽唔到, 不過見到有人有錄到, 唔知搵唔搵得返.

跟住聽左 MobileRadio.hk 既 Audacity 介紹, 呢個軟件因 project 關係在兩年前已經被我用黎 Cut 聲, 調較大細聲, 去雜音 for 砌句子用, 使用非常容易, 今次教左 Podcast 常用既執聲技功同效果, 希望往後有不同既 Podcast 會再多 d topic 聽啦~~

之後聽左 Aaron 既 Incubating Open Source Communities, 講左好多 Apache, Open Source Culture 等資訊, 了解左好多~~

最後去左聽 WordPress, 因為本身係 WordPress 使用者, 而上次 WordCamp 又無去, 所以今次聽下有咩野. 內容都幾好, 聽到好多用家既意見, 而且有D 以前諗過既使用方法都在商業中被實現出來, 感覺都幾好.

今次 SFD 得半日, 唔係聽得太多野, 不過對本地既交流既發展都幾重要. 香港, 似乎少了既就是這些交流既活動, 希望這些不同類型活動時間可以長一點, 而且次數多一點, 在不同既角度, 不同既領域, 不同既時間上, 能夠做多些活動啦~~

今日去左 JUG 既 Gathering, 內容包括 Sun Update, JavaFX 同 Zembly, 兩者既內容對我都好新, 因為對我黎講, 都好耐無寫過 Java, 除左近期幫人睇功課之外, 對上一次寫 Java 都已經係大半年對既事, 而且只係個簡單既 Application 仔!!

JavaFX, 係一個同 Flash 差唔多既野, 但因為 Flash 對複雜既 Programming 支援不足, 所以就出左呢個 JavaFX, 除左加入好簡單既 Syntex, 漂亮既圖畫支援, 重可以 Call 返 Java 黎用, 所以所有複雜既 Programming 只需要 Java 寫到就可以解決. 不過, JavaFX 要求 JRE 1.6 update 11, 所以要行 JavaFX 就可能要 update 下個 JRE la.

Zembly, 係另一個另我好驚喜既 platform, 佢提供一個網上寫 facebook application 既網上平台, 除左唔一定要用自己 server host 之外, 仲可以 clone 人地既 program, 抄人地既 code, 算係一個幾好既學習平台.

Localization, 係我今日問既問題, 隨著 facebook 入面某些公司將外國既 Application 本地化 (我都唔知係咪叫本地化, 個 Idea 係一樣, 只不過被中文化同改左 d 圖), 香港市場似乎係一個容易做市場推廣既地方, 所以, 我問左個 zembly 本地化既問題, 不過都未知有無人, 時間等去開發本地市場.

今日除左 JUG Gathering 之外, 仲有 Agile HK 既 Gathering, 但因為個時間 Overlap 左, 同埋我個幾星期前已經 Register 左呢個 Gathering, 希望以後不會有太多 Overlap 既 Gathering 啦!!!

今日去左 opensource.hk 搞既 firefox 3 kick-off party, 見過下 d 工作人員, 而出席人數唔太多, 未坐滿間房, 個蛋糕都幾得意, 不過最後都切左黎食~~

今次講既野都 ok, 雖然個介紹新 feature 既 video 早前都睇過, 而大部份既 improvement 都無乜提到, 都係叫大家自己睇既多, 但最好既一部份係香港既 firefox extension developer 對大家既經驗分享, 呢個係好難得, 而亦都有人提到 firefox 出左另一隻 programming language – fuel, 有時間同靈感既時候都會試下.

感覺黎講, 香港無乜專業既 developer group, uwants 同 discuss 果度既程式交流區傾既都係好新手既野, 比起內地既 csdn 同 itpub 簡直差天共地, 唔知要等到幾時香港至有一個屬於香港, 用繁體中文既本地技術交流區呢.