I'm CaLendarW Blog

上星期睇到 cio.com 既一份 article, 講 firefox 3 add-on, 其中一個係 Linked In add-on, 所以開始留意乜野係 LinkedIn.

LinkedIn, 係一個同 facebook 差唔多, 都係靠 friend connection 建立既網, 市場定位係 “最好既工往往都係由朋友介紹”, 所以建立咁既網路對打工仔黎講係一個幾好既網站, 而香港呢? 香港, 部份人會去 JobsDB, Monster.com 同 Agent 等等搵工, 如果呢個網係香港建立, 咁呢 d 傳統既搵工網應該就會失去作用, 不過對 agent 黎講, 建立到一個靠朋友既網路可能可以提高搵人既效率同質素.

而呢個 add-on, function 都係指住個 email address, 如果有登記既就出到對方係咩公司等等, 呢樣對搵人都有幫助, 所以我覺得這個 add-on 可以出現係 cio.com article 入面既主要原因係可以靠佢幫到老闆更易搵到啱心水既人才, 減低請錯人既風險同保障到質素.

對我而言, 而家開始建立一個香港社區, 幾年後, 本地社群應該變得成熟, 到時唔理係再上位, 定係要搵人幫手, 應該會方便得多, 而家既開始, 係為未來鋪路, 而且對 IT 人黎講, 一個建立得成熟既社群可以互相幫助, 滿足彼此之間既需要, 同埋提升業內既専業水平, 希望做得到啦~~

今日去左 opensource.hk 搞既 firefox 3 kick-off party, 見過下 d 工作人員, 而出席人數唔太多, 未坐滿間房, 個蛋糕都幾得意, 不過最後都切左黎食~~

今次講既野都 ok, 雖然個介紹新 feature 既 video 早前都睇過, 而大部份既 improvement 都無乜提到, 都係叫大家自己睇既多, 但最好既一部份係香港既 firefox extension developer 對大家既經驗分享, 呢個係好難得, 而亦都有人提到 firefox 出左另一隻 programming language – fuel, 有時間同靈感既時候都會試下.

感覺黎講, 香港無乜專業既 developer group, uwants 同 discuss 果度既程式交流區傾既都係好新手既野, 比起內地既 csdn 同 itpub 簡直差天共地, 唔知要等到幾時香港至有一個屬於香港, 用繁體中文既本地技術交流區呢.

Firefox 3.0 今日終於出左啦, 有興趣既朋友可以去官網度下載.

今個版本聽朋友講快左好多, 對我黎講速度好似無乜特別, 可能平時少上網, 同埋用得少功能掛…, 加上用左 beta 版一段時間, 所以已經習慣左個速度. 不過今次呢個版本有幾個功能都幾得意, 例如 Multiple Text Selection, 可以同時選取多項文字, 下載時支持續傳, URL suggestion, 支援 bookmark tag suggest, suggestion deletion, 可以 delete 左之前打錯而又被記底既網址, 而 add-on 方面就未必可以支援得晒, 所以要等 add-on 設計師更新返個 add-on 先用得, Theme 果方面, 我今日見公司同事阿敏果個貓貓 Theme 仲用到, 我諗應該支援到掛.

Firefox 3 將會係下星期二, 即係 17 號推出, 等待已久既版本, 介時將會有個嘗試制做世界紀錄, 請即到推廣 Firefox 既網站, 一齊成為世界紀錄既一份子啦~~

Firefox 2 都用左一段日子, 問題都發現左唔少, 唔知今次呢個版本又可以解決左幾多既問題呢, 而對 Web 2.0 方面, 又唔知可以支持到咩地步呢, 拭目己待吧!!!