I'm CaLendarW Blog

一年了, 一年前既今日, 我離開了第一間工作既公司, 在同學介紹既新公司返第一日工, 不知不覺地就過了一年, 這一年入面, 成長了? 感覺上唔多, 退步了? 或許吧.

這一年內, 跟過既 Project 應該得 3~4 個, 有簡單既寫軟件教學手冊, 有跟過 Module 入面既 Admin 部份, 有寫過全個 Module 所有部分都由自己設計至插入到主程式及 Deploy 到客戶使用, 又有全個系統由自己設計至將部份 Module 分配給同事幫手做, 實習經驗係多左, 同人相處既技巧亦變左.

由讀 CityU 開始, 係咁讀書既習慣都未有變, 雖然畢業後已經無得入圖書館, 但得到阿 Ken 既幫助仲可以係 CityU 借書, 以及係 CityU 入面間商務度訂書, 一個月都仲可以睇完一本書. 不過, 科目上都大部份都仲係 Software Engineering, 連阿 Ken 都 Comment 過我太過集中係呢方面, 要我試下搵其他方面 Study 下, 但 Software Design 同 Software Architecture 仍然係我最有興趣既科目.

除左讀書之外, Software Design 既 Skill 都強左唔少, 一來由書本及工作上得到經驗, 二來由 Study Open Source Project – NHibernate, log4net, rhino-tools, wordpress 等得到了不同既 Design 思維及 Coding 技巧, 以及一年來每日吸收既 CodeProject Email, CIO.com 既 article 等, 都令自己既資訊慢慢地貼近國際及想多了如何令軟件更適合公司業務, 設計技巧不段地進步, 不過現時仍然未有可以教我野既前輩, 而 Community 中既 Gathering 近期又開始少左, 技術提升亦開始緩慢, 畢竟工作環境仍然有大部份舊 Project 強烈地使用 Store Procedure 做主要既 Business logic, 程式員喜歡在兩個 IDE ( Visual Studio 同 SQL Server Management Studio ) 中編寫程序, 這令用開 Object-Oriented Design 既我在前人既 Project 成果中減慢了學習進度, 減少了軟件既可讀性及可重用性, 也增加了 Trace 既難度. 不過興幸既係在呢一年中, 要跟既舊 Project 無乜, 只要自己寫既新 Module, 所以在應用 OOD 方面可以由我話事, 期間亦寫了不少可重用既 Module.

呢一年黎, 因為 Design Skill 好左, 加上 DDD 既經驗多左, 在設計 Flow 方面已經可以用到 Sequence Diagram 及 Domain Service 作軟件設計. 這些技巧在提升 OOD 方面亦有了一定既幫助.

編程方面, 因為應用了 8 ways to be a better programmer 既 Practice, 能力上亦提升了不少, 不過因為前期技巧不足所以後期工作多左好多.

自立方面, 因為之前係 KML 兩年半既工作中學到了自立, 呢一年黎大部份時間都仲可以一個人處理到, 但與同事合作方面仍然需要學習, 畢竟我無以前 Joanna / Isaiah 對教人及管人方面有咁好既耐性.

大錯, 在呢一年內都發生過一次, 因為同事無放 Store Procedure 既 Source 上 Version Control, 而自己一開始都有日日 Backup, 又無為意要為佢 Backup, 最後要同事將佢過去兩星期內無 Backup 既野再重做多次, 呢個雖然唔係我錯晒, 錯之前亦都同同事講過要上 Version Control, 但明知佢無視我既說話, 而雙方又無為意要 Backup 就左 Restore Database, 使對方寫好了既 Store Procedure 要重寫過係身為出黎工作了三年幾既我既一大過失.

近期同事們開始討論 Coding Standard, 但這其實係每一個程式員都應該有既基本野, 唔應該係拎出黎講, 但因為公司無定義到, 而且有些人跟本唔知有呢樣野, 又或者唔知不同語言有不同既定義, 所以 d Coding Style 不一致, 另一方面大部份人太著重於編寫 Store Procedure, 始終對軟件既可重用性黎講未必係一年好事.

回顧一年, 技巧上學習到既雖然多左, 但自覺專業程度係低左, 對比一個外國既 Top Coder 黎講仍然有一段距離, 畢竟香港沒有外國咁優質既環境及培訓, 要追上世界級數還要落多點力!!

前幾日經 CodeProject 入面既 Email Subscription 介紹, 睇左個 Post 講呢個 Topic, 感覺幾好!!~~

簡單 d 講就似 Pure Math 同 Apply Math 既分別, Computer Science 主要係研究新科技, 但新科技往往都要經過人來善用, Software Engineering 係包括人既活動. 雖然 Engineering 既原則係想個個人跟住同一套次序, 所做既野都應該差唔多, 但因為個個人唔同, 每個人用唔同心態去做同一樣野都會有好大分別, 所以一組人用一種方法獲得成功, 未必能在另一組人用同一個方法成功, 所以只會用一些 “通常” 等等既字眼, Methodology 係咁, Architecture 係咁, 所以先會有 Design Pattern, Anti-Pattern 等等不同技巧既出現, 所以科技係要被正確使用才可以為公司帶來利益, 而何謂正確只能基於使用者對科技既認識, 經驗同思維上.

對我黎講, Computer Science 有些似由零變一既過程, 而 Software Engineering 就係將一變做二, 三, 四, 五等既進步, 而且 Software Engineering 注重既係每個方面都要求質素管理, 咁先有進步, 及可以容易地發現邊個 Process 有問題而提出改善, 但因為人既不同, 質素往往都存在在實行者既身上, 如果實行者跟得唔足, 質素未必一致, 跟得太跟, 效率未必做得好, 始終 agile 所講既 velocity 都要等到組員成熟先會提升到, 因此軟件既優劣在於實行既人對軟件質素認識同堅持.

而自己最低限度既堅持, 只在於 Coding Standard 既使用, 因為對外行人黎講, Naming Convertion 係最簡單可以由表面上睇到既野, 正所謂人靠衣裝, 如果 Source Code 給予人既外觀都不好既話, 使用程度只會慢慢減低, 跟住就唔會再得到重用, 慢慢形成 Anti-Pattern 中既 Lava Flow, 而且 Naming 本身亦係一個好重要既 Topic, 可以增加 Source Code 既可讀性, 因此自己對呢方面好注重. 另外, 自己雖然比較想用 OOD, 但自己亦唔會將所有野變成 OO, 以自己常用真實物件來代入設計軟件既態度上, 現實上有些東西係唔可以用 OO 係解決, 印象中好似係 Study Semantic Web 既過程入面, Rule Base 同某部份 Knowledge Base 既邏輯如果代成 Object 唔一定係好, 用 Routine Base 可能會較好.

Software Developer, 某程度上除左對 Computer Science 要有一定既認識, 亦都好應該對 Software Engineering 有所既認識, 因為自己係寫軟件, 如果質素做得不好, 科技用不得其所既話, 就可能會做成反效果!!

頹廢…近期成日聽到呢字, 事源係同事為了盡快為 Project 起貨而忽略重要既質量管理, 簡單來說就是為了快而形成了 Anti-Pattern 入面既 Stovepipe system, 感覺上係極差, 但可能因為自己無能力一個人做晒所有野, 所以只有開一個 Project 比佢自由地寫, 往後有時間再處理吧.

近期係公司開始了很多員工層既行動, 例如訂立 Coding Standard, 使用 Version Control 等, 呢d 係 IT 公司入面基本上係最基本既野, 但係呢度既員工大部份都無理, Coding Standard 其實有經驗既最少可以跟 MS 果個 (e.g. Prefix “I” in interface, Upper Case for Method, Properties Name, etc); 而 Version Control Server 有係度但有用既員工係我提出意見前黎講相信一半都無. 如果經過 Root Cause Analysis 黎講, 無 Coding Standard 係因為上層無指示, 而下層既人又唔想咁麻煩而無 Apply, 而 Version Control 就因為仲用緊 SourceSafe 6.0, 員工使用介面仲以 Visual Studio 6 既不良介面經驗黎做, 再加上有部份員工要外出工作, 所以會因為麻煩而唔去做好.

香港, 係一個注重質素既城市. 身為香港人, 如果再沉淪在頹廢既環境, 再不注重質素既話, 那本身既競爭力分分鐘連國內都不如, 又如何在國內競爭, 要頹廢我相信內地大把人可以更頹廢, 可以以更平既價錢及更快既時間做出一舊野, 當然往後在維護上極有可能會引申更多問題, 以及付出更多金錢. 當上海要成為金融城市時, 自己已經意識到, 香港做唔好質素管理, 就只會不進則退. 作為大企業, 就如同李嘉誠話和黃極有可能上海上市一樣, 只要在內地上市便可以了, 分析而言, 香港有一套好既金融體系, 上海只要參考下, 再加上最新既科技配合, 超越香港不是難事. 那中小企呢, 經驗而言係因為無咁大規模, 資金同時間, 所以對質量不去注重, 以咁既環境下, 又係一個兩難既局面.

而自已呢…可能因為唔想再係個無質素, 頹廢既環境下做野, 唯有改變一下個環境, 提升下自己, 及為香港 IT 員工對 Software Engineering 既基本知識同質素.

Human Factor, 讀 Degree 果時其中一科有教過, 工作環境, 工作類別等等既因素都會影響到員工既工作表現, 而我發現呢度有好多錯配既情況發生, 雖然好大部份都因為人手唔夠既問題而產生出黎既, 但如果無人理, 咁就會令到資源流失 (產品質素, 公司形象, 人才或時間). 今日有一大個進步, 因為 Tommy 開始認識 Software Design, 希望呢個好既行為可以持續落去. 除此之外, 今日都比左好多意見, 雖然接受程度要進一步觀察, 但起麻係一個好既開始. 公司缺少既係一個發表意見既地方, 就算底下一班人識幾多野, 無上面既人援助基本上咩都做唔到, 而感覺上會發表意見既人亦唔多, 咁落去其實對公司發展亦有一定影響, 希望今日發表既意見可以令公司氣氛有所改變啦!!

前日終於買左 HP 果部 tx2, 經過三次 format 後 (一次重裝, 一次 verify 自制既 backup 碟, 同第三次 for windows 7), 尋日終於有時間試下部機.

裝左 Windows 7 RC 7100 64bit version 後, Multi-touch, Quick Launch Button, CIR Receiver 同 Fingerprinter 既 driver 都要重新裝過.

Quick Launch Button 同 CIR Receiver driver 都可以係 HP 官網入面找到, 而 Multitouch 既 driver 就要係 N-trig 度下載 – Here
另外, Fingerprint program 要 download 返 AuthenTec 果個先有埋個 TrueSuiteApplication, 咁先用到指紋 Login.

呢幾日試用感覺唔錯, 入左 d program 都行到:
Adobe Reader 9.1
Daemon Tool 4.30.4.0027
Firefox 3.0.10
RealPlayer 11.1.1

曾經出現問題
Daemon Tool 4.30.4.0027

出左呢個問題之後, 個 ISO image 要再 mount 過先可以再行.

網上講既靜電問題出現左, 要拆電先回復返.