I'm CaLendarW Blog

我用左年幾既 HP 612c, 因為過左保養而個叉電位已經被我搞到要叉都搞成個鐘先對好個位叉電而被離棄了, 因為呢排我都係o係 Site 而無枱頭電話, 再加上手提電話無電而搞到無人聯絡到我既問題, 星期五晚同老婆傾拎去整定買過部之後, 星期六朝早就出左百老滙出左部新既舊版 8GB iPhone 3G.

星期六朝早, 一如已往我都係八九點起身, 食埋早餐, 去到朋友上班既百老滙入面, 查詢 Magic 既價錢同意見, 因為電話 plan 剛剛續約, 所以唔使諗上台優惠, 加上 research 過 one2free 好似無 Magic 既 Plan, 所以只有買機既可能.

朋友話 HTC Hero 將會星期一到貨, 個價同 Magic 只差 $500, 功能上聽說差唔多, 加上行 Android, 對我呢個全面使用 google service ( gmail / docs / reader / calendar) 既人黎講係十分之吸引. 不過雖然係最新, 但因為家庭因素關係, 呢兩部比我選擇既話我會選擇較便宜果部.

與此同時, 朋友又問 “點解唔買 iPhone?”, 呢個問題我諗都未諗過, 不過因為個價同 Hero 一樣, iPhone 係另一個好既選擇, 而且 iPhone 既固定硬件規格係對 developer 黎講係好好既發展機會, 係呢個情況下, 貴五百既 iPhone 同平五百既 Magic 真係唔係好識選擇.

當我一輪猶豫不決既苦思後, 屋企既財政大臣就幫我決定買 iPhone 3G 了, 可能因為 Hero 要等兩日而我無電話用既關係, 同埋下午我又要去 SFD 而無乜時間陪佢, 所以佢就快快手幫我選擇掛.

手持 iPhone 既感覺係十分好, 用法簡單, 比起一路以來用既 windows mobile 6 / 6.1 / 6.5 都係差十分遠, 不過以前因為價錢關係而唔會諗呢個選擇, 而 3GS 既推出, 使 3G 既價格回落到我既財政大臣接受到既價格, 所以呢一日既我, 終於進入了 apple 既世界!!~

Monopoloy City Streets 剛剛十一點鐘開始 restart 遊戲, 聽講 12~24 個鐘後會完成, 經過一個星期測試後, 感覺一般啦.

上星期剛剛開始時, 基本上係入都入唔到……到入到果時, 咩地都比人買晒, 不過都好好彩, 比我係香港島都買左一幅細地, 起左幾棟野~~

過了幾日, 隻 game 係明顯順暢左, 除此之外, 都發覺好多地都有好多 hazard, 都唔知點解會咁, 直致剛剛十點幾再上去看, 基本上條條街都因為有 hazard 而無租收……咁玩落去其實都無乜意思.

希望聽日 restart 完後, 我仲可以有機會買到 d 街道, 慢慢玩下啦~~

今日去第一次去 Barcamp, 聽左好多不同既資訊, 有好多都好有用!!

今日選擇左既 Topic 如下:

• HK Startups (HKSUA)
• Startup Lessons from 0 to 0.1 – 0 to 0.1
• Making open source transit planner – Gogogo Project
• Startup Survival
• Google Wave
• Extreme fast screen mockup for developer

感覺幾好, 總共有 304 人, 有抽獎, 有衫送, 有 free lunch, free drink, 好耐都無試過全日都認真咁聽啦~~

一年了, 一年前既今日, 我離開了第一間工作既公司, 在同學介紹既新公司返第一日工, 不知不覺地就過了一年, 這一年入面, 成長了? 感覺上唔多, 退步了? 或許吧.

這一年內, 跟過既 Project 應該得 3~4 個, 有簡單既寫軟件教學手冊, 有跟過 Module 入面既 Admin 部份, 有寫過全個 Module 所有部分都由自己設計至插入到主程式及 Deploy 到客戶使用, 又有全個系統由自己設計至將部份 Module 分配給同事幫手做, 實習經驗係多左, 同人相處既技巧亦變左.

由讀 CityU 開始, 係咁讀書既習慣都未有變, 雖然畢業後已經無得入圖書館, 但得到阿 Ken 既幫助仲可以係 CityU 借書, 以及係 CityU 入面間商務度訂書, 一個月都仲可以睇完一本書. 不過, 科目上都大部份都仲係 Software Engineering, 連阿 Ken 都 Comment 過我太過集中係呢方面, 要我試下搵其他方面 Study 下, 但 Software Design 同 Software Architecture 仍然係我最有興趣既科目.

除左讀書之外, Software Design 既 Skill 都強左唔少, 一來由書本及工作上得到經驗, 二來由 Study Open Source Project – NHibernate, log4net, rhino-tools, wordpress 等得到了不同既 Design 思維及 Coding 技巧, 以及一年來每日吸收既 CodeProject Email, CIO.com 既 article 等, 都令自己既資訊慢慢地貼近國際及想多了如何令軟件更適合公司業務, 設計技巧不段地進步, 不過現時仍然未有可以教我野既前輩, 而 Community 中既 Gathering 近期又開始少左, 技術提升亦開始緩慢, 畢竟工作環境仍然有大部份舊 Project 強烈地使用 Store Procedure 做主要既 Business logic, 程式員喜歡在兩個 IDE ( Visual Studio 同 SQL Server Management Studio ) 中編寫程序, 這令用開 Object-Oriented Design 既我在前人既 Project 成果中減慢了學習進度, 減少了軟件既可讀性及可重用性, 也增加了 Trace 既難度. 不過興幸既係在呢一年中, 要跟既舊 Project 無乜, 只要自己寫既新 Module, 所以在應用 OOD 方面可以由我話事, 期間亦寫了不少可重用既 Module.

呢一年黎, 因為 Design Skill 好左, 加上 DDD 既經驗多左, 在設計 Flow 方面已經可以用到 Sequence Diagram 及 Domain Service 作軟件設計. 這些技巧在提升 OOD 方面亦有了一定既幫助.

編程方面, 因為應用了 8 ways to be a better programmer 既 Practice, 能力上亦提升了不少, 不過因為前期技巧不足所以後期工作多左好多.

自立方面, 因為之前係 KML 兩年半既工作中學到了自立, 呢一年黎大部份時間都仲可以一個人處理到, 但與同事合作方面仍然需要學習, 畢竟我無以前 Joanna / Isaiah 對教人及管人方面有咁好既耐性.

大錯, 在呢一年內都發生過一次, 因為同事無放 Store Procedure 既 Source 上 Version Control, 而自己一開始都有日日 Backup, 又無為意要為佢 Backup, 最後要同事將佢過去兩星期內無 Backup 既野再重做多次, 呢個雖然唔係我錯晒, 錯之前亦都同同事講過要上 Version Control, 但明知佢無視我既說話, 而雙方又無為意要 Backup 就左 Restore Database, 使對方寫好了既 Store Procedure 要重寫過係身為出黎工作了三年幾既我既一大過失.

近期同事們開始討論 Coding Standard, 但這其實係每一個程式員都應該有既基本野, 唔應該係拎出黎講, 但因為公司無定義到, 而且有些人跟本唔知有呢樣野, 又或者唔知不同語言有不同既定義, 所以 d Coding Style 不一致, 另一方面大部份人太著重於編寫 Store Procedure, 始終對軟件既可重用性黎講未必係一年好事.

回顧一年, 技巧上學習到既雖然多左, 但自覺專業程度係低左, 對比一個外國既 Top Coder 黎講仍然有一段距離, 畢竟香港沒有外國咁優質既環境及培訓, 要追上世界級數還要落多點力!!

前幾日經 CodeProject 入面既 Email Subscription 介紹, 睇左個 Post 講呢個 Topic, 感覺幾好!!~~

簡單 d 講就似 Pure Math 同 Apply Math 既分別, Computer Science 主要係研究新科技, 但新科技往往都要經過人來善用, Software Engineering 係包括人既活動. 雖然 Engineering 既原則係想個個人跟住同一套次序, 所做既野都應該差唔多, 但因為個個人唔同, 每個人用唔同心態去做同一樣野都會有好大分別, 所以一組人用一種方法獲得成功, 未必能在另一組人用同一個方法成功, 所以只會用一些 “通常” 等等既字眼, Methodology 係咁, Architecture 係咁, 所以先會有 Design Pattern, Anti-Pattern 等等不同技巧既出現, 所以科技係要被正確使用才可以為公司帶來利益, 而何謂正確只能基於使用者對科技既認識, 經驗同思維上.

對我黎講, Computer Science 有些似由零變一既過程, 而 Software Engineering 就係將一變做二, 三, 四, 五等既進步, 而且 Software Engineering 注重既係每個方面都要求質素管理, 咁先有進步, 及可以容易地發現邊個 Process 有問題而提出改善, 但因為人既不同, 質素往往都存在在實行者既身上, 如果實行者跟得唔足, 質素未必一致, 跟得太跟, 效率未必做得好, 始終 agile 所講既 velocity 都要等到組員成熟先會提升到, 因此軟件既優劣在於實行既人對軟件質素認識同堅持.

而自己最低限度既堅持, 只在於 Coding Standard 既使用, 因為對外行人黎講, Naming Convertion 係最簡單可以由表面上睇到既野, 正所謂人靠衣裝, 如果 Source Code 給予人既外觀都不好既話, 使用程度只會慢慢減低, 跟住就唔會再得到重用, 慢慢形成 Anti-Pattern 中既 Lava Flow, 而且 Naming 本身亦係一個好重要既 Topic, 可以增加 Source Code 既可讀性, 因此自己對呢方面好注重. 另外, 自己雖然比較想用 OOD, 但自己亦唔會將所有野變成 OO, 以自己常用真實物件來代入設計軟件既態度上, 現實上有些東西係唔可以用 OO 係解決, 印象中好似係 Study Semantic Web 既過程入面, Rule Base 同某部份 Knowledge Base 既邏輯如果代成 Object 唔一定係好, 用 Routine Base 可能會較好.

Software Developer, 某程度上除左對 Computer Science 要有一定既認識, 亦都好應該對 Software Engineering 有所既認識, 因為自己係寫軟件, 如果質素做得不好, 科技用不得其所既話, 就可能會做成反效果!!