I'm CaLendarW Blog

BarCamp Hong Kong 2010 已經接受報名 (here), 今次地點係 polyu, 一共有八間房,  已房間數目來說比上年五間多, 可以有更多 topic.

上年既 schedule (未 update 既話應該睇得返上年果個) 有 startup, funding, google wave, ruby 同 social web, 有好多野學, 又多選擇, 唔知今年有咩 topic 可以 update 下自已呢?~

十分十分的累，可能由六月份開始就一連串既事要煩，除左阿嫲既離開，仲有阿媽既皮膚敏感入院幾日同埋阿爸住院一週，個心由上兩個禮拜開始慢慢地累著。

工作上，除了唔識既時搵人教之外，識既好多都好熟，只不過都未做到完美，要不段地請教與學習。

蠢，確實係蠢左，可能因為跟既已經唔再係 programming 時野，而轉左做 support，email news letters 都少睇左，開始同世界拉遠左距離，我諗都係時候睇返多D 世界新聞，跟貼返個世界。

執著，近期成日都聽到D 唔想聽既野，就係不專業既行為，在軟件工程出身既我，對質素既要求往往睇得很高，但聽到人地成日話世上無 program 係無 bug 而容許自己有很多低階既錯誤不理而感到心煩，做野要盡心盡力，我日日都做緊，但都仲有錯漏，但我都係睇唔過眼一些明知過唔到人但過到自已既事，到頭來都係要改而浪費時間既事發生。

無知，就會得唔到最好既結果，不好好反醒，到頭來只會比人話，教都無所謂，但不要給我一句“你講既說話好有道理”來敷衍我，道不同不目為謀，當日既決定令我不用長期對著意見不合既人。

唔開心，因為搵我做野但做細果班百般規範，又怕我 delete 左佢D 野，又開個 outdate 左既場黎敷衍我，做到試唔到，好無耐。

懶，原因可能係太累，或者長期無運動，又或者病，可能開始進入低 IQ 時代模式，所以要諗方法不段求進。

進，不一定急，潛龍勿用，修身為上，貴在中和，不爭之爭。

星期二晚訂既 i5 版 macbook pro 因為星期五無人收貨既關係, 最後都係星期六既朝早收到, 玩左接近兩日, 感覺都好好, 不過唔知係唔係呢幾個月都己經對住部 iMac, 所以開機關機上都已經無乜分別.

回想返剛剛到手果時, 都覺得 15″ 其實好大部, 而且好重, 不過因為 15″ 至有 i5 既關係, 所以最後選擇左 15″ 既 macbook pro 而唔選擇 13″ 行 Core 2 Duo.  用落兩日, 雖然仲係係一個軟件安裝階段, 但感覺好左好多同舒服左好多, 可能因為騎樓對我黎講已經形成左一個唔想做野既結界關係, 係廳用 notebook 黎做野 (不論公司定私人) 既習性紿終都集中同舒服好多.

差不多三個月既忙都差不多完結, 因為要上新系統既關係, 由三月一日開始既連續十二日工作亦被加多了一日變成十三日, 不過總算第一個星期無乜大問題, 不過餘下既都仲有很多很多既不足要執, 畢竟軟件對我黎講係應該為公司提升競爭力, 唔應該只係單單做到自動化, 為員工提升效率係更加重要!!

因為新工作環境既關係, 新既同事們由以前叫我個名變左叫 “新同事”, 可能之前個系統一開始比人有一點不夠完善而來既壞印象, 總是有點比串既感覺.

之前太忙同埋累既關係, 好多日都未能準時走, 隻腳既痛處遲遲都未有醫治, 今日見放工時只係五點幾就走左去由家庭醫生轉介既專科度做手術, 治療左個痛症, 不過因為要連針既關係, 所以隻腳仲痛緊, 唔知星期一會唔會好痛同比對鞋壓爆線呢…  希望唔影響工作啦!!~~

前排見到個 Post 講 Stolen ideas, 加上近期咁多專利新聞, 所以 post 下.

Top 10 features that Apple stole from Windows
Top 10 features Microsoft stole from Mac OS X

係我既思想入面, 專利往往被人用來搵錢, 其實一些好既 idea 被專利影響而不能廣泛利用, 我覺得係社會既損失.