I'm CaLendarW Blog

在下著雨的晚上，我仍帶著劍去上堂。黑黑的天，冷冷的雨，但仍然想到來練習。
(more…)

近期既日子，如在夢中，想著想著。

由迷茫，到混亂。由不甘心，自我檢討，到定立了六年的目標。這短短的十數天總是不段地想著如何向前走。

喜歡，就是最基本既感覺。而我喜歡的，就是幸福的表情，從內心表現出來，簡單、直接。

在追不回的過去，尋找往日的回憶。後悔的，就是只拍了那麼一點過去的照片。

那些年，這些年，回憶著，留戀著。

在這一天，開始拍照既旅程，留下回憶的印記。

為現在，同未來的小豬們開始留下美好的時光。

讀左三個月既 Financial & Managerial Accounting 尋日終於要考試了, 係無心機溫書既情況下, 面對住份試卷就乜都唔記得晒, 識得而簡單既當然做左先, 其次係識得既又複雜, 做晒之後就係果D 唔肯定而又長又煩既題目, 作戰左兩個幾鐘其實乜心機都無晒, 係阿 Sir 話仲有兩分鐘就到最後十五分鐘既時間下, 對住份剛剛填滿答案而無心情去複檢既心態下, 最後都係決定左提前走. 在交卷既一殺那, 結果就已注定了, 期待一月既成績公報.

在計算上我想應該夠合格, 但唔知點解係呢段時間內既讀書心態係想識晒, 好似期中考果次八十幾分都唔知足, 可能出左黎做野做得耐, 面對住不同範疇既需求, 對自己知識上既要求都不段增高, 加上平時返工要對住一班好勞氣既 vendor, 心裡總想著不要被他們溶化, 唔想係近朱者赤既長期渲染下令自己變差, 使致自己不段不段地學, 但同時亦都製造左好多矛盾, 一方面又想識多D 野, 但另一方面想懶, 之後又想比最好既 solution 比 user, 很古怪.

一個 Sem 就快完, 考多科就可以休息, 但心情總是失落, 呢輪有太多選擇, 又有太多結果, 總是想今年快點過, 在未來一年努力再奮鬥.

星期五食完飯後就過左又一城陪老婆去行街，係 Toysrus 買完生日禮物比阿仔之後，就過左 Mirabell 度睇鞋，o係老婆睇緊涼鞋既同時，我無野做地就望下返工用既黑鞋，其中睇左對幾啱心水，不過因為唔係木底既關係，而宜家返工果對膠底行起黎有聲，所以要諗下，而個售貨員睇到我拎起對鞋睇諗果陣，就問緊我既喜好，而我就是旦答左幾句就算，再周圍行下。
(more…)

今日既一時衝動打開返當年系統上左一個月既 item，同而家比簡直係天淵之別，當然大家個規模唔同，但問題不在於包括 project 範圍有幾大，而係本身既架構設計以及開發管理問題，要講既一年前已經講過好多次，要罵既而家天天都有人罵，現實既 IT 不應是這樣，奈何我只是一個小小既人物，聲音反映過後對方既管理層都管理不到，只能答出會慢慢地進步，這與世界既距離差太遠了。

無奈，每日不段希望明天會更好吧。