Restaurant City @ Facebook
近期玩緊 facebook 既 restaurant city, 個設計幾好, 而且可以練習下樓面設計既技巧.
深入地玩左幾日, 上網搵過有關既資料, 其實除左樓面設計之外都無乜特別, 食物合成種類唔多, 而且得到原材料既方法也很有限, 加上初初推出果時有 bug, 所以出現左一推已爆機 (其實係滿 Lv, 食物 Lv 爆晒同獎狀攞晒既情況) 既人, 而對我黎講, 如果玩 cheat 其實無乜野玩, 因為遊戲既性質係學習, 不如認認真真地學習一下做老闆營商既環境吧!!
遊戲性質方面, 隻 Game 唔錯, 而且賣點係經營餐廳, 以往有好多單機 Game 都已經熱賣, 例如夢幻西餐廳, 便利商店等都好多人玩, 今次放到網上, 雖然無單機 Game 咁多野玩, 但加入了 social 既性質, 使遊戲吸引得黎又可以推薦更多人玩. 介面方面使用了 Flash, 靚仔得黎又易控制, 比其他香港制做既 facebook game 高出好幾班.
公司而言, 其中一個 office 係北京, 但其實都係外國公司, 唔知香港幾時先培育及集結到一班有咁高技巧既人才呢.
