I'm CaLendarW Blog

今日 archive 緊 d email 果時見到呢個 article, 都幾得意, 我自己目前既目標係 software architect, 但對 business 方面又有興趣, 可能因為係讀 information system 既關係, 果科講既係 apply IT in business 多, 所以點樣去 design 一個 system 而又真係可以 solve business problem 既技巧同經驗我都有興趣.

睇左一段時間既 cio.com, 見外國公司既 cio 講點樣點樣成功, 我就心諗, 香港唔會有呢個風氣, 香港所謂既大公司, 其實大多數都係舊公司, 上一輩既管理層通常諗既野係穩定, 點去被免危機, 就好似一個 close system 一樣, 所以唔會有 d 咩 innovation, 亦唔覺會有 CIO, 就算有, 唔係無權力果隻, 亦都唔會理下面班人點.  我記得我身邊亦都有朋友提過, 佢之前做果間公司係金融公司, 搵好多錢, 請願比證監會罰幾百萬, 但係唔會投資落去 IT 度, d anti-virus 過左期年幾都唔理, 而高層亦都唔相信 IT, 就例如做 backup 咁, 佢得一盒帶做 backup, 而且佢地相信盒帶係唔會壞的, 每日都用果盒帶做 backup, 你諗下一盒帶可以 backup 到幾多日既金融資料, 而證監會既條文寫定, 一間咁既公司係要有三十日既 backup, 而我個朋友佢做 admin 既已經 send 左 request 比高層, 但係高層無反應, 之後佢都無心機做, 所以走左.

而香港既中型企業, 就更加唔會睇重 IT, 對佢地黎講 IT 只會為公司帶來支出, 所以中型企業既老闆就更加睇唔起 IT.  小型公司, 香港都有 d 幾創新既 IT 公司既, 果d 跟到外國潮流, 但其餘既又有幾多會理會 IT 呢. 而外國, 政府會跟 CMMI 果套, 做出黎既 project 既專業又付合客戶需要. 而香港, 乜都唔使跟, 無專業既規管, 拉底晒香港既 IT 水平, 亦令 IT 呢行更加不受認同.

要係香港做落去, 一定要搞好 IT, 既然人地唔尊重 IT, 自己應該更加尊重 IT, 否則 IT 既未來都係一片黑暗. 既然係咁, 我會主動去提出一些意見, 長遠黎講, 希望五年或者十年後, 香港既 IT 會受人尊重, 而香港既 IT 人就更加專業, 可以同其他專業組織一樣受到認同.